湯水推介 番茄豆腐豬肉碎蛋花湯

湯水推介 番茄豆腐豬肉碎蛋花湯

點解會係三個願望？第一就當然係因為小小豬同我一樣都係好鐘意飲湯，一有湯飲佢就開心(當然最好唔係黑卒卒嗰啲啦)。第二就係因為今次啲材料全部都係小小豬鐘意兼有營養，佢緊係食得開懷。最後一個就係….因為依個係小小豬有份提意，佢仲唔係好有滿足感。

事緣有一日放學，小小豬即刻捉我埋一邊，問我係唔係好鍾意煲湯呀？原來佢係午膳時去圖書館借左一本湯類食譜圖書。見到佢滿心歡喜拎本食譜比我睇嘅時候，都真係有少少感動。所以我就係圖書入面揀左依個湯煲俾佢飲，等佢滿足下先嘛~