【好味自家製】超可愛Peppa Pig曲奇

朋友仔今次教我嘅嘅曲奇除左令我好有成功感之外，佢個味道都真係唔錯，鬆脆得嚟又唔太甜，所以小小豬一次過食左十幾塊都唔會覺得口渴。 原來係佢將砂糖改為用糖霜有關，用糖霜少啲甜之外，做出嚟嘅曲奇面都會滑身啲，冇平日用砂糖咁多粗粒粒，所以做出嘅曲奇就可以又靚仔又好味啦！ 小小豬不知幾鐘意食，已經叫左我再整曲奇俾佢再帶返學食，唔止整俾佢，仲叫我整多啲等佢分俾其他同學仔。既然佢鐘意又難得大方，咁就等我有時間再整過啦(唔好浪費咁可愛嘅Peppa Pig曲奇模嘛)。